مووچەی فەرمانبەرانی گرێبەست بەپێی بڕوانامەكانیان دەبێـت

ئاڤا نیوز 

 

ئاڤانیوز بەدواداچوون بۆ بڕی مووچەی ئەو وانەبێژانە دەكات كە بڕیاری دامەزراندنیان بە شێوەی گرێبەست دراوە.

 

وێنە گەورەكە: سەرۆکوەزیران بارزانی لە کۆبوونەوەی لەگەڵ نوێنەرانی مامۆستایانی وانەبێژ بڕیاری دا لەسەر داهاتی ناوخۆی حکومەتی هەرێمی کوردستان سەرجەم وانەبێژان بکرێنە گرێبەست.

 

زانیاریی بەدەستهاتوو: بەپێی بەدواداچوونێكی ئاڤا نیوز، مووچەی فەرمانبەرە گرێبەستەكان بەپێی بڕوانامەكانیان دەبێت، كەمترین بڕی مووچە هی ئەو وانەبێژانەیە كە بڕوانامەی دبلۆمیان هەیە 400 هەزار دینارە، زۆرترینشیان هەڵگری بڕوانامەی دكتۆرایە كە یەك ملیۆن و 250 هەزار دینار دەبێت.

 

بڵاوكراوەی فەرمی: بەپێی ڕێنمایی ژمارە 10ـی ساڵی 2019ـی وەزارەتی دارایی تایبەت بە فەرمانبەرانی گرێبەست، كە لە ڕۆژنامەی وەقایعی كوردستان بڵاوكراوەتەوە، هەڵگری بڕوانامەكانی ماستەر و دبلۆمی باڵا (دوو ساڵ) یەك ملیۆن دینارە و دبلۆمی باڵا (دوو ساڵ) و بەكالۆریۆس (6 ساڵ) 850 هەزار دینارە.

 

زانیاریی زیاتر: بڕی مووچەی هەڵگرانی بڕوانامەی دبلۆمی باڵا (یەك ساڵ) و بەكالۆریۆس ( 5 ساڵ)  600 هەزار دینارە و بەكالۆریۆس (4 ساڵ) 500 هەزار دینارە. 

 

ئەوەش بزانە: جگە لە زیادبوونی مووچەكانیان، فەرمانبەری گرێبەست وەك فەرمانبەری ئاسایی چەندین مافی دیكەی دەبێت لە نموونەی جۆرەكانی مۆڵەت.