حەسەن شەریف بەرهەمێکی نوێ بڵاودەکاتەوە

ئاڤا نیوز

 

هونەرمەندی ناسراوی کورد حەسەن شەریف، نوێترین بەرهەمی خۆی کە گۆرانییەکی نەتەوەییە بڵاوکردەوە. 

 

چیرۆکی سەرەکی: بەرهەمەکەی حەسەن شەریف ناوی 'کوردمەدار'ە،  گۆرانییەکی نەتەوەییە و باس لە هەموو ئەو نەهامەتی و ئازارانە دەکاتە کە تاوەکو ئێستا ڕووبەڕووی کورد بوونەتەوە.

 

زانیاریی زیاتر: بەرهەمی 'کوردمەدار' لە شیعر و ئاوازی ئەمین بۆتانییە، کاری میوزیکی لەلایەن 'عەلی شاکرەوە' بۆ کراوە. 

 

لێدوانی فەرمی: ئەمین بۆتانی، شاعیر و نووسەر لەبارەی گۆرانییەکەوە بە ئاڤا نیوزی ڕاگەیاند، ماوەی پێنج ساڵە ئامادەکاری بۆ گۆرانییەکە دەکەن.

 

باکگراوند: حەسەن شەریف لە ساڵی 1969 لە گوندی کێستەی بەرواری باڵا لە پارێزگای دھۆک لەدایک بووە، بە شێوەزاری بادینی گۆرانی دەڵێت و بە هونەرمەندی پێشمەرگە ناسراوە.