درۆنێک لە کەرکووک خرایەخوارەوە

ئاڤا نیوز

 

لە ئاسمانی کەرکووک درۆنێک بە سیستمی دژەفڕۆکە تێکشکێنرا و لەنێو ماڵان کەوتەخوارەوە.

 

چیرۆکی سەرەکی: نزیکەی کاتژمێر  11:00 ی پێشنیوەڕۆی ئەمڕۆ لە کەرکووک دەنگی چەند تەقینەوەیەک بیسترا، دواتر دەرکەوت درۆنێک بە سیستمی دژەفڕۆکە لەلایەن هێزە ئەمنییەکان  تێکشکێنراوە، پارچەکانی درۆنەکەش لە گەڕەکی تسعین لەناو ماڵان کەوتەخوارەوە.

 

لێدوانی فەرمی: سەرچاوەیەكی ئەمنی لە شاری كەركووک بە ئاڤا نیوزی ڕاگەیاند: بەپێی زانیارییە سەرەتاییەكان باڵێكی درۆنەکە لە شەقامی كۆڕنیشی شارەكە كەوتووەتە خوارەوە.

 

زانیاریی پەیامنێر: ڕۆكان مەحموود، پەیامنێری ئاڤا نیوز لە شوێنی ڕووداوەكە ڕایگەیاند، زیان بە ماڵێكی گەڕەكەكە كەوتووە، بەڵام هیچ زیانێكی گیانی نەبووە، هێزە ئەمنییەكانیش دەستیان بە لێکۆڵینەوە کردووە.