پێش كەوتنەخوارەوەی درۆنەكەی كەركووک دەنگی چەند تەقینەوەیەك بیستراوە

 ئاڤا نیوز

بەپێی گوتەی شایەدحاڵەكان، پێش كەوتنەخوارەوەی درۆنەكەی كەركووک دەنگی چەند تەقینەوەیەك بیستراوە.

وێنە گەورەكە: پێشنیوەڕۆی ئەمڕۆ پێنجشەممە لە گەڕەكی تسعینی شاری كەركووک نزیك لە فڕۆكەخانەی شارەكە درۆنێكی گەورە كەوتە خوارەوە.

زانیاریی پەیامنێر: دیار محەممەد، پەیامنێری ئاڤا نیوز لە كەركووک ڕایگەیاند: بەپێی گوتەی شایەتحاڵەكان پێش كەوتنەخوارەوەی درۆنەكە دەنگی تەقاندنی چەند مووشەكێك لە نزیك بازگەی چیمەن بیستراوە، پاشان كە درۆنەكە كەوتووەتە خوارەوە تەقیوەتەوە.

ئەوەی پێویستە بیزانیت: زیان بە ماڵێكی گەڕەكی تسعین گەیشتووە و هیچ زیانێكی گیانی نەبووە، ئێستا هێزە ئەمنییەكان لە شوێنەكەن و لێكۆڵینەوە دەكەن.

ئەوەش بزانە: هێزە ئەمنییەكان هەوڵی دوورخستنەوەی خەڵك دەدەن لە شوێنەكە و هۆشداری دەدەن مەترسیی تەقینەوەی زیاتر هەیە.