درۆنەکەی کەرکووک بە سیستمی دژەفڕۆکە خراوەتە خوارەوە

ئاڤا نیوز

 

گوتەبێژی بەڕێوەبەرایەتیی پۆلیستی کەرکووک ڕایگەیاند، دوای ئەوەی درۆنێک هاتە نێو شاری کەرکووک سوپا بە سیستمی دژە فڕۆکە خستیەخوارەوە.

 

لێدوانی فەرمی: عامر نووری، گوتەبێژی بەڕێوەبەرایەتیی پۆلیستی کەرکووک بە ئاڤا نیوزی گوت: درۆنێک هاتە ناو شاری کەرکووک بوو لەلایەن سوپاوە بە سیستمی دژە فڕۆکە لە زەوییەوە خرایەخوارەوە.

 

زانیاریی زیاتر: ئێستا لێکۆڵینەوە لە ڕووداوەکە دەستی پێ کردووە، تاوەکو دیاری بکرێت ئەو درۆنە سەر بە کێیە و لە کوێوە نێردراوە.

 

ئەوەی پێویستە بیزانیت: درۆنەکە لەنێو باخچەیەک لە گەڕەکی تسعین لە کەرکووک کەوتووەتە خوارەوە و هیچ زەرەر و زیانێکی گیانی و مادی نەبووە.