كۆمیسیۆن و شارەوانی ڕێنمایی تایبەت بە بانگەشەی هەڵبژاردن دەردەكەن

ئاڤا نیوز 

نووسینگەکانی كۆمیسیۆنی هەڵبژاردنەکان بە هاوبەشیی شارەوانییەكان ڕێنمایی تایبەت بە بانگەشەی هەڵبژاردن دەردەكەن.

وێنە گەورەكە: بڕیارە ڕۆژی 20-10-2024 هەڵبژاردنی پەرلەمانی كوردستان دەکرێت، مانگێک و چوار ڕۆژ پێشتر واتە 16-9 بانگەشە دەستپێدەكات.

لێدوانی فەرمی: خالید عەباس، بەرپرسی نووسینگەی دهۆكی كۆمیسیۆن باڵای سەربەخۆی هەڵبژاردنەکانی عێراق لە كۆنفڕانسێكی ڕۆژنامەوانیدا ڕایگەیاند: "بە هاوكاریی شارەوانیی دهۆك چەند ڕێنماییەكمان سەبارەت بە بانگەشەی هەڵبژاردن داڕشتووە و لە ڕۆژانی داهاتوو بڵاویان دەكەینەوە".

ئەوەی پێویستە بیزانیت: بەپێی ڕێنماییەكان، بەربژێر نابێت پۆستەر لەنێو سەوزایی هەڵبواسێت، ڕێگای هاتووچۆی خەڵك و ئۆتۆمبێل بگرێت، هاوكات نابێت بۆ هەڵواسینی پۆستەر و وێنە ماددەیەك بەكاربهێنێت كە شوێنەواری بمێنێتەوە و دیوار و شوێنی هەڵواسین پیس بكات.