بڕیاری خەرجکردنی پاداشتی دارایی بۆ پاڵەوانانی کوردستان دەرکرا

ئاڤا نیوز

لەمەودوا پاڵەوانی یارییە تاك و بەكۆمەڵەكانی كوردستان لە ئاستی ناوخۆ و عێراق و جیهان پاداشتی دارایی دەکرێن و لە ئەمڕۆوە جێبەجێ دەكرێت، بڕی پاداشتەکەش دەگاتە 30 ملیۆن دینار.

وێنە گەورەکە: سەرۆكوەزیران بارزانی، ڕەزامەندی داوە بە بەخشینی پاداشتی دارایی بە شێوەی هەمیشەیی، بەو تیپ و پاڵەوانانەی لە ئاستی خول و پاڵەوانێتییەكانی ناوخۆ و دەرەوە، پلەی یەكەم و دووەم و سێیەم بەدەست دێنن، بڕیارەكەش لە ئەمڕۆوە جێبەجێ دەكرێت.

بڵاوكراوەی فەرمی: لە وەڵامی نووسراوێكی بەڕێوەبەرایەتیی گشتیی وەرزش لە ڕێگەی وەزارەتی ڕۆشنبیرییەوە كە ئاراستەی سەرۆكوەزیران بارزانی كراوە، دوای ڕەزامەندی سەرۆكوەزیران بارزانی بە نووسراوی ژمارە 11582 لە ڕێكەوتی 28-8-2024 بە واژۆی سەرۆكی دیوانی ئەنجوومەنی وەزیران، بڕیار درا بە پاداشتكردنی پاڵەوانە یەكەمەكانی وەرزش لە یارییە تاك و كۆیەکاندا.

ئەوەش بزانە: لەمەودوا ئەو تیپ و یانە و پاڵەوانانەی لە ئاستی خولەكانی ناوخۆ، عێراق و ئاسیا و جیهان نازناو یان پلەی یەكەم و دووەم و سێیەم بەدەست دەهێنن، پاداشتی دارایی وەردەگرن، پاداشتەکەش لە 500 هەزارەوە دەستپێدەکات بۆ 30  ملیۆن دینار.

ئەوەی پێویستە بیزانیت: لە نووسراوەكەی دیوانی ئەنجوومەنی وەزیران ئاماژە بە ڕەزامەندیی وەزارەتی دارایی و ئابوورییش كراوە و، داواكراوە لە ئەمڕۆوە كاری پێویست بۆ ئەم مەبەستە ئەنجام بدەن.

دەقی بڕیارەکەی ئەنجوومەنی وەزیران

 

پاداشتی دارایی یارییە تاکەکان

پاداشتی یارییە بەکۆمەڵەکان

پاداشتی ناوبژیوانان