ئاسایشی هەولێر چەند تەقەکەرێک دەستگیردەکات

ئاڤا نیوز

ئێوارەی ئەمڕۆ لە نزیک شەقامی ئیسکان چەند کەسێک تەقەیان لە نووسینگەیەکی ئاڵوگۆڕی دراو کردووە، دوای ڕووداوەکە ئاسایش تەقەکەرەکانی دەستگیر کردووە.

چیرۆکی سەرەکی: ڕزگار کۆچەر، پەیامنێری ئاڤا بەمشێوەیە باسی ڕووداوەكە دەكات: سەرەتا دەمەقاڵێ لەنێوان کارمەندێکی نووسینگەی ئاڵوگۆڕی دراو لەگەڵ خاوەنی نووسینگەکە دروست بووە، دوای ئەوەی کارمەندەکە برا و کەسوکاری ئاگادار دەکاتەوە، بەچەک هەڵدەکوتنە سەر نووسینگەکە و تەقە دەکەن.

زانیاریی بەدەستهاتوو: دوای شەڕەکە بە ماوەیەکی کەم هێزەکانی ئاسایش گەیشتوونەتە شوێنی ڕووداوەکە و چوار لەو کەسانەیان دەستگیرکردووە کە تەقەیان کردووەو دەستیان بەسەر دوو چەکدا گرتووە.

زانیاریی زیاتر: لەئەنجامی ڕوودانی شەڕەکە، چەند کەسێک بریندار بوون، بەڵام بەگوێرەی زانیاری ئاڤا هیچ یەک لە بریندارەکان بە گولـلە نەبوون، بەڵکو بەهۆی شەڕە بۆکس بووە.