فیلمی "ژیانی بزنەكە" ناكۆكی دەخاتە نێوان سعوودیە و هیندستان

ئاڤا نیوز

فیلمی "ژیانی بزنەكە" باس لە ژیانی هاووڵاتییەكی هیندی دەكات كە لە سعوودیە وەك كۆیلە مامەڵەی لەگەڵ دەكرێت، ناكۆكی دەخاتە نێوان ئەو دوو وڵاتەوە.

چیرۆكی سەرەكی: فیلمی “ژیانی بزنەكە” باس لە هاووڵاتییەكی هیندی دەكات كە دەڕوات بۆ سعوودییە بۆ كاركردن، بەڵام لەلایەن چەند شێخێكی سعوودییەوە دەبرێت بۆ بیابانە دوورە دەستەكان و بزن و مەڕ و هوشتری پێ بەخێو دەكەن و لە مافە سەرەتاییەكان بە تەواوەتی بێبەش دەكرێت، دواتر بە زەحمەتییەكی زۆر دەتوانێت هەڵبێت و بگەڕێتەوە وڵاتەكەی.

ئەوەی پێویستە بیزانیت: سعوودییەكان بە توندی دژی فیلمەكە وەستاونەتەوە و دەڵێن، هەرگیز هاووڵاتیان و شێخەكانیان بەو شێوەیە مامەڵەیان لەگەڵ هاووڵاتیانی هیندستاندا نەكردووە و نایكەن ئەمە هەڵەیەكی كوشندەیە كە ڕووخساری هاووڵاتیانی ئێمەی ناشرین كردووە.

ئەمەش بزانە: فیلمەكە لەلایەن نێت فلێكسەوە بەرهەمهێنراوە و سعوودییە بەتەواوەتی بایكۆتی نێتفلێكسی كردووە و دەیانەوێت فیلەمەكە بسڕێتەوە و داوای لێبوردن لە سعوودیە بكەن.

قووڵتر: فیلمەكە كەسایەتی شێخەكانی سعوودیە زۆر بەناشرین پیشاندەدات، باس لەوەدەكات شێخەكانی سعوودیە تەنانەت مافی سەرەتایی كە نان و ئاوە بە هاووڵاتییە هندییەكە نادەن و لەگەڵ بزن و مەڕ و هوشترەكاندا خواردنی دەدەنێ.