شوێنەوارناسان ئێسکەپەیکەری ماستۆدۆنێک دەدۆزنەوە

ئاڤا نیوز

 

شوێنەوارناسانی زانکۆی ئایۆوا، بۆ یەکەمجار ئێسکەپەیکەری ماستۆدۆنێکیان دۆزییەوە کە یەکێکە لەو شیردەرانەی نزیکەی 3.5 ملیۆن ساڵ لەمەبەر لەسەر زەوی ژیاون. 

 

وێنە گەورەکە: رۆژی 26 -8-2024 تیمێکی زانایانی شوێنەوارناسی زانکۆی ئایۆوا، ئەنجامەکانی کنە و پشکنینی خۆیان بڵاوکردەوە کە دۆزینەوەی 20 پارچەی ئێسکەپەیکەری ماستۆدۆنێکە و بەپێی لێکۆڵینەوەکان، ئەو ئاژەڵە زەبەلاحە لەلایەن مرۆڤە کۆنەکانەوە لەناوبراوە.

 

چیرۆکی سەرەکی: ساڵی 2022 هاووڵاتییەکی ویلایەتی واین بە تەنیشتی کانییەک دەڕۆیشت، لەناکاو بەشێک لە ئێسکەپەیکەرێکی زەبەلاح دەبینێت کە لە زەوییەکە چەقی بوو، یەکسەر لایەنە پەیوەندیدارەکان ئاگادار دەکاتەوە.

 

لێدوانی فەرمی: جۆن دۆرشوک، بەڕێوەبەری تیمی لێکۆڵینەوە و شوێنەوارناس لە زانکۆی ئایۆوا دەڵێت: هیوادارین بەڵگەی کارلێکی مرۆڤ لەگەڵ ئەم بوونەوەرەدا بدۆزینەوە، وەکو دۆزینەوەی جێگەی تیر و چەقۆی سەرەتایی کە بۆ کوشتن و کەوڵکردنی ئاژەڵەکە بەکارهێنراون.

 

ئەوەی پێویستە بیزانیت: نەوە مۆدێرنەکانی ماستۆدۆن لە ناوچەکانی ئاسیا و ئەفریقا ژیاون، جۆرێکن لە شیردەری مامۆس و شێوەی جەستەیان لە فیل دەچێت، بەڵام قەبارەیان گەورەترە.