ڕووسیا 18 درۆنی ئۆكراینای لە خاكی وڵاتەكەیدا خستە خوارەوە

ئاڤا نیوز

 

سیستەمی بەرگریی ڕووسیا لە 24 كاتژمێری ڕابردوودا 18 درۆنی ئۆكراینای خستوەتە خوارەوە كە ئاڕاستەی خاكی ڕووسیا كرابوون.

 

وێنە گەورەكە: ئۆكراینا بەردەوامە لە هێرشی پێچەوانە بۆ سەر خاكی ڕووسیا و شەوانە دەیان درۆن ئاڕاستەی خاكی وڵاتەكە دەكات و حكومەتی ڕووسیاش بەرپەرچی درۆنەكان دەداتەوە.

 

ئەوەی ئێستا ڕوودەدات: شەوی هەینی لە ناو خاكی ڕووسیا 18 درۆن لەلایەن سیستەمی بەرگرییەوە خرانە خوارەوە كە لەلایەن كێڤەوە ئاڕاستەی چەند ناوچەیەكی ڕووسیا كرابوون.

 

لێدوانی فەرمی: وەزارەتی بەرگری ڕووسیا لە ڕاگەیەنراوێكدا باس لەوە دەكات ئۆكراینا شەوانە دەیان درۆن لە خاكی وڵاتەكەیەوە ئاڕاستەی ڕووسیا دەكات و سیستەمی بەرگری لەناویان دەبات.

 

ئەمەش بزانە: ئۆكراینا و ڕووسیا بۆ هێرشكردنە سەر یەكتر درۆن بەكاردەهێنن و تاوەکو ئێستا سەدان درۆن لە نێوان هەردوولادا خراونەتە خوارەوە.