بەڕازیل بەکارهێنانی ئێکس قەدەغە دەکات

ئاڤا نیوز

 

بەهۆی ئەوەی تۆڕی کۆمەڵایەتی ئێكس نەیتوانی نوێنەرێک دیاری بكات بۆ ڕۆژی دادگایی كردنەكەی لە بەڕازیل، پێدەچێت ئەو تۆڕە لەسەرتاسەری بەڕازیل قەدەغە بكرێت.

 

وێنە گەورەكە: لە مانگی نیسانی 2024ەوە تۆڕی كۆمەڵایەتی ئێسک و وڵاتی بەڕازیل كێشەیان هەیە، بەهۆی ئەوەی چەند ئەكاونتێك داخران بە بیانووی بڵاوكردنەوەی زانیاری نادروست، ئەمەش خاوەنی تۆڕەكەی توڕەكرد.

 

ئەوەی پێویستە بیزانیت: سەرەتای مانگی ئاب تۆڕی کۆمەڵایەتی ئێكس لە بەڕازیل نوسینگەی خۆی داخست، لەبەر ئەوەی نوێنەری  كۆمپانیاكە لەلایەن ئەو وڵاتەوە هەڕەشەی لێكراوە ئەگەر پابەندی ڕێنماییەكان نەبێت دەستگیر دەكرێت.

 

لێدوانی فەرمی: ئەلێکساندەر دی مۆراس دادوەری باڵای بەڕازیل ڕایگەیاند:”دەبێت ئێكس سەرجەم ئەو ڕێنماییانە جێبەجێ بكات كە لە وڵاتەكەی ئێمە یاسان، ئەگەر نا بەتەواوتی قەدەغە دەكرێت”.

 

بۆچوونی لایەنی بەرامبەر: ئیلۆن مەسک خاوەنی تۆڕی کۆمەڵایەتی ئێکس هەڕەشەی چالاککردنەوەی ئەکاونتەکانی کردووە كە داخراون  و دادوەر مۆراسی بە "ستەمکار" و "دیکتاتۆر" وەسف کردووە.

 

ئەمەش بزانە: تۆڕی كۆمەڵایەتی ئێكس لە بەڕازیل نزیكەی چل ملیۆن بەكارهێنەری هەیە، یەكێكە لە تۆڕە كۆمەڵایەتییە چالاكەكان لەلای هاووڵاتیانی ئەو وڵاتە.