شانۆی 'کۆتا نامە' نمایش دەکرێت

ئاڤا نیوز

 

بڕیارە شانۆی 'کۆتا نامە' لە مانگی ئەیلوولدا نمایش بکرێت، محەممەد ڕزگار شانۆنامەکەی نووسیوە و کاری دەرهێنانیشی بۆ دەکات.

 

وێنە گەورەکە: شانۆی 'کۆتانامە' ماوەی دوو هەفتەیە ڕاهێنان دەکەن، دەرهێنانی محەمەد ڕزگارە و لە دوو کارەکتەری سەرەکی و سێ میوزیکژەن و گۆرانیبێژێک پێکهاتوون، میوە سۆران و شەنیار حەمەهۆشمەند ئەکتەرەکانی نمایشەکەن، 

 

لێدوانی فەرمی: محەممەد ڕزگار، دەرهێنەری شانۆی 'کۆتا نامە' بە ئاڤا نیوزی گوت: شانۆنامەکە لەبارەی گرفتەکانی دوو ڕۆشنبیرە کە خۆیان لە دەوڵەت و هاووڵاتیان دەشارنەوە و کتێبخانەیەک دەکەن بە پەناگەیان.

 

زانیاریی زیاتر: محەممەد ڕزگار گەنجێکی تازە دەرچووی  بەشی هونەری شانۆی پەیمانگەی هونەرەجوانەکانە، چەند ساڵێکە بیرۆکەی نووسینی دەقی شانۆی هەیە و دەڵێت: ئێستا هەست  دەکەم ئامانجەکەم پێکاوە.