پێکوتەی ئیفلیجی منداڵان گەیێنرایە غەززە

ئاڤا نیوز

 

ڕێكخراوی تەندروستیی جیهانی ملیۆنێک و 200 هەزار ژەمی پێکوتەی ئیفلیجی منداڵانی گەیاندووەتە غەززە.

 

وێنە گەورەكە: سەرەتای مانگی ئاب ڕێكخراوی تەندروستیی جیهانی هۆشداری بڵاوبوونەوەی نەخۆشیی ئیفلیجی منداڵانی لە كەرتی غەززە دا و داوای کر ئاگربەستی كاتی ڕابگەیێنرێت بۆ ئەوەی بتوانن پێکوتەیان بۆ دابین بکەن.

 

ئەوەی پێویستە بیزانیت: دوێنێ پێنجشەممە یەكەم حاڵەتی ئیفلیجی منداڵان لە غەززە تۆمار كرا.

 

لێدوانی فەرمی: ڕێكخراوی تەندروستیی جیهانی ڕایگەیاند: بەدەر لەو ملیۆن و 200 هەزار ژەمە پێکوتەیە، كاروانێكی دیكەش دەگەیێننە كەرتەكە.

 

ئەمەش بزانە: نزیكەی 26 هەزار منداڵ لە كەرتی غەززە پێویستیان بە كوتانی ئیفلیجی منداڵانە و دەبێت بكوترێن.