لە هەولێر پێنج پڕۆژە بە گوژمەی نزیکەی سێ  ملیار دینار جێبەجێدەکرێن

ئاڤا نیوز

لە هەولێر پێنج پڕۆژە بە گوژمەی نزیکەی سێ  ملیار دینار جێبەجێدەکرێن، پڕۆژەکان بریتین لە قیرتاوکردن، درووستکردنی شەقام، هەڵکەندنی بیری ئاو و دروستکردنی پارک.

 

وێنە گەورەکە: پێنج پڕۆژەی خزمەتگوزاری لەسنووری سەرۆکایەتی شارەوانی هەولێر، لەسەر بودجەی بانکی نێودەوڵەتی و %15ـی داهاتی شارەوانی هەولێر بە هەماهەنگی وەزارەتی پلاندانانی عێراق و هەرێمی کوردستان جێبەجێدەکرێن.

 

لێدوانی فەرمی: ئومێد خۆشناو پارێزگاری هەولێر بە ئاڤا نیوزی ڕاگەیاند: ئەمساڵ سەرجەم پڕۆژەکان تەواو دەکرێن و بەخێرایی کاریان تێدا دەکرێت بە ئامانجی خزمەتکردنی هاونیشتمانیان.

 

زانیاریی زیاتر: پڕۆژە خزمەتگوزارییەکان ئەمانەن:
- پڕۆژەى دروستکردنی شەقام و هەڵکەندنی بیری ئاو و دانانی تۆڕی ئاوی خواردنەوەى گوندى شێخەشەل بە گوژمەی 533 ملیۆن دینار.

- پڕۆژەی قیرتاوکردن و کۆنکرێتکردنی شەقامە ناوخۆییەکان و هەڵکەندنی بیر و دانانی سێ خەزانى ئاو و دابەشکردنی تۆڕی ئاوی خواردنەوەى گوندی "بن بێرز" بە گوژمەى 926 ملیۆن دینار.

- دروستکردنى 9 شەقام لە ئیسکان بە گوژمەى 320 ملیۆن دینار.

- پڕۆژەى دروستکردنى شەقامى سەرەکى گەڕەکى زیلان بە گوژمەی 128 ملیۆن دینار.