هەناردەکردنی تەماتە بۆ شارەکانی ناوەڕاست و خوارووی عێراق دەستیپێکردەوە

ئاڤا نیوز  

دوای دابەزینی نرخی تەماتە لە عەلوەی هەولێر، بەڕێوەبەرایەتی کشتوکاڵی هەولێر، ئەمڕۆ شەممە هەناردەکردنی بەرهەمی تەماتەی بۆ شارەکانی ناوەڕاست و خوارووی عێراق دەستپێکردەوە.

وێنە گەورەکە: ساڵانە بۆ پاڵپشتی لە بەرهەمی ناوخۆیی، وەزارەتی کشتوکاڵ و بەڕێوەبەرایەتییەکان بۆ ماوەیەک، هەناردەکردنی بەشێک لە بەرهەمی ناوخۆیی بۆ دەرەوە ڕادەگرن.

لێدوانی فەرمی: هێمن سەید موراد، بەڕێوەبەی گشتی کشتوکاڵی هەولێر بە ئاڤا نیوزی ڕاگەیاند: ئەمڕۆ 100 تۆن تەماتە لە عەلوەی هەولێرەوە بەرێخراوە بۆ بەغدا، ئەمەش دوای ئەوەی ماوەیەک هەناردەکردنی تەماتە ڕاگیرا بوو.

زانیاریی زیاتر: ئەمڕۆ بەشێوەیەکی کتوپڕ نرخی کیلۆیەک  تا 300 دینار دابەزی. هێمن سەید موراد دەڵێت: هۆکاری دابەزینی نرخی تەماتە بۆ پێگەیشتنی بەرهەمی هەریەکە لە ناوچەکانی حاجی ئۆمەران، سیدەکان، شێخان و پێنجوێن دەگەڕێتەوە، بەڵام لە پێناو سەقامگیری نرخ و زەرەر نەکردنی جووتیارانمان، بڕیارماندا هەناردەکردنی تەماتە دەستپێبکاتەوە، ئەمەش دوای ئەوەی بۆمان دەرکەوت پێداویستی ناوخۆ پڕ دەکاتەوە.