ترەمپ: كامالا هەڕەشەیە بۆ سەر دیموكراسی

ئاڤا نیوز

دۆناڵد ترەمپ دەڵێت، كامالا هاریس لاوازترین بەربژێری سەرۆكایەتییە لە مێژووی سەرۆكایەتی ئەمریكا.

وێنە گەورەكە: جارێكی دیكە دۆناڵد ترەمپ، هێرشی كردەوە سەر كامالا هاریس و بە كەسێكی لاوازی دەزانێت و بە بەرپرسی كێشەكانی ئەمریكای دەزانێت، بەتایبەتی پرسی سنوور و كۆچبەرەكان.

لێدوانی فەرمی: دۆناڵد ترمپ، بەربژێری كۆمارییەكان بۆ پۆستی سەرۆكی ئەمریكا لە ئێكس نوسیویەتی:"كامالا هاریس لاوازترین بەربژێری سەرۆكایەتییە لە مێژووی سەرۆكایەتی ئەمریكادا و هەڕەشەیە بۆ سەر دیموكراسی و ئازادی.

زانیاریی زیاتر: ترەمپ نوسیویەتی: كامالا ڕێگەی بە ملیۆنان كەس داوە لە سنوورەكان بپەڕنەوە بۆ ناو ئەمریكا و ئێستا زۆربەیان لە زیندانەكان و دامەزراوە دەروونییەكاندان، ئەمەش زیانێكی گەورەی بە وڵاتەكەمان گەیاندووە.