هاوپەیمانیی نێودەوڵەتیی دژی داعش بە بەشداریی عێراق کۆدەبێتەوە

ئاڤا نیوز

وەزیری دەرەوەی عێراق و باڵیۆزی ئەمریکا لە بەغدا  تاوتوێی بەشداریکردنی عێراق لە کۆنگرەی هاوپەیمانیی نێودەوڵەتی دژ بە داعش لە واشنتن دەکەن.

چیرۆکی سەرەکی: ئەمڕۆ شەممە لە بەغدا د.فوئاد حوسێن، وەزیری دەرەوەی عێراق پێشوازی لە ئەلینا ڕۆمانۆوسکی، باڵیۆزی ویلایەتە یەکگرتووەکانی ئەمریکا لە عێراق کرد.

ڕاگەیێنراوی فەرمی: وەزارەتی دەرەوەی عێراق ڕایگەیاند: لە کۆبوونەوەکەدا تاوتوێی بەشداریکردنی عێراق لە کۆنفرانسی هاوپەیمانیی نێودەوڵەتیی دژی داعش کرا، کە بڕیارە سەرەتای مانگی داهاتوو لە واشنتن ڕێکبخرێت.

ئەوەی پێویستە بیزانیت: ساڵانە کۆبوونەوەی وەزاری وڵاتانی بەشداربوو لە هاوپەیمانیی نێودەوڵەتی بۆ بەرەنگاربوونەوەی داعش دەکرێت، ساڵی ڕابردوو بە ئامادەبوون و بەشداری 85 وڵات و ڕێکخراوی نێودەوڵەتی لە ڕیازی پایەتەختی سعودیە کۆبوونەوەکە بەڕێوەچوو.