لە چیای ئاوەگردی کۆیە ئاگرێکی گەورە کەوتووەتەوە

ئاڤا نیوز

 

چەندین کاتژمێرە لە چیای ئاوەگرد لە سنووری کۆیە ئاگر کەوتووەتەوە و تاوەکو ئێستا کۆنترۆڵ نەکراوە.

 

چیرۆکی سەرەکی: ئەمڕۆ شەممە 31-8-2024، بە هۆکارێکی نادیار ئاگرێک لە چیای ئاوەگردی سنووری قەزای کۆیە کەوتەوە و تاوەکو ئێستا سەدان دۆنم پووش و پاوان سووتاوە.

 

لێدوانی فەرمی: هێمن مستەفا، ئەنجوومەنی گوندی سماقولی بە ئاڤا نیوزی ڕاگەیاند: "بە هاوبەشی لەگەڵ 100 کەسی گوندەکە توانراوە ڕەز و باخەکانمان بپارێزین، بەڵام ئاگرەکە تەشەنەی کردووە بۆ سەر چیای ئاوەگرد و بەرەو گوندی نازەنین دەچێت".

 

خاڵی نەرێنی: میکائیل ساڵح، کارمەندی بنکەی  بەرگریی شارستانی سماقولی بە ئاڤا میدیای ڕاگەیاند: ئاگر لە لووتکەی چیای ئاوەگرد بەردەوامە، بەهۆی زۆری مین و سەختی ناوچەکەش ناتوانرێت بە ئاسانی ئاگرەکە کۆنترۆڵ بکرێت.

ئەمەش بزانە: چیای ئاوەگرد دەکەوێتە ڕۆژهەڵاتی هەولێر، دەڕوانێت بەسەر گوندەکانی جەلی و نازەنین و سماقوڵی و ئەمساڵدا ئەمە جاری دووەمە ئاگر لەو ناوچەیە بکەوێتەوە.