ڕووسیا 158 درۆنی ئۆکراینا دەخاتە خوارەوە

ئاڤا نیوز 

 

وەزارەتی بەرگریی ڕووسیا ڕایگەیاند،  لە 24 كاتژمێری ڕابردوو 158 درۆنی ئۆكراینای لە ئاسمانی وڵاتەكەی خستووەتە  خوارەوە و لە چەند ناوچەیەكیش هێرشی ئەنجامداوە.

 

وێنە گەورەكە: سوپای ئۆكراینا بە شەودا لە ڕێگەی درۆنەوە هێرشیکردووەتە سەر شارەكانی ڕووسیا بە ئامانجی ئەوەی چەند ناوچەیەكی ستراتیژی بكاتە ئامانج، بەڵام درۆنەكان خراونەتەخوارەوە و كەمترین ئامانجی پێکاوە.

 

لێدوانی فەرمی: وەزارەتی بەرگریی ڕووسیا ڕایگەیاند:” لە 24 كاتژمێری ڕابردوودا 158 فڕۆكەی بێفڕۆكەوانی ئۆكراینا لە چەند ناوچەیەکی ڕووسیا خراونەتە خوارەوە و هیچ زیانێكی گیانیان نەبووە”.

 

ئەمش بزانە: سوپای ڕووسیا لە بەشی باشووری خاكی ئۆكرایناوە بەردەوامە لە پێشڕەوی و لە چەندین ناوچەی نوێ سوپا ئاڵای وڵاتەكەی هەڵكردووە.