کوشتنی گەنجێکی کورد لە تورکیا کاردانەوەی لێدەکەوێتەوە

ئاڤا نیوز 

 

دەستەی سەربەخۆی مافی مرۆڤ داوای لێکۆڵینەوە لە کوشتنی هاووڵاتیەکی هەرێمی کوردستان دەكات لە تورکیا.

 

وێنە گەورەکە: ڕۆژی شەممە 31-08-2024، لە شاری ئیستەنبوڵی تورکیا بازرگانێکی کورد بە ناوی 'حەکیم لوقمان' و برایەکی لەگەڵ 12 هاووڵاتیی بەڕەگەز تورک دەبێتە دەمەقاڵێ و شەڕیان، لە ئەنجامدا حەکیم دەکوژرێت و برایەکەشی بریندار دەکرێت.

ڕاگەیێنراوی فەرمی: دەستەی سەربەخۆی مافی مرۆڤ لە هەرێمی كوردستان ڕایگەیاند: بەگوێرەی قسەی کەسوکارەکەی ئەو هاووڵاتیە تەنیا لەبەر ئەوەی بە کوردی قسەی کردووە لەلایەن چەند کەسێکەوە لە کافتریایەکی شاری ئیستەنبوڵ لە تورکیا هێرشی کراوەتە سەر.

زانیاریی زیاتر: دەستەی سەربەخۆی مافی مرۆڤ: وێڕای ئیدانەكردنی كوشتنی ئەو هاووڵاتییە كوردە، داوا دەكەین حکومەتی تورکیا لێکۆڵینەوە لە ڕووداوەکە بكات و تۆمەتباران بدۆزرێنەوە و ڕێکاری پێویست بگیرێتە بەر بۆ پاراستنی گەشتیار و سەردانیکاران.