فوئاد حوسێن: لەم ڕۆژانە مووچەی مانگی حەوت دەدرێت

ئاڤا نیوز

 

فوئاد حوسێن وەزیری دەرەوەی عێراق ئاشكرای كرد كە لەم ڕۆژانە مووچەی مانگی حەفتی فەرمانبەران دەدرێت و دوای ئەوەش مانگی هەشت دەدرێت.

 

چیرۆكی سەرەكی: ئەمشەو یەكشەممە 01-09-2024، لە ماڵی شاخەوان عەبدوڵڵا، جێگری سەرۆكی پەرلەمانی عێراق و بە ئامادەبوونی سەرۆككۆمار و وەزیری دەرەوە و وەزیری كوردەكانی دیكەی عێراق و سەرۆكی فراكسیۆنە كوردییەكانی پەرلەمانی عێراق، كۆبوونەوەیەک بۆ گفتوگۆكردن و هەوڵدان بۆ چارەسەركردنی گرفتی مووچەی فەرمانبەرانی هەرێمی كوردستان بەڕێوەچوو.

 

لێدوانی فەرمی: فوئاد حوسێن، وەزیری دەرەوەی عێراق لە كۆنفڕانسێكی ڕۆژنامەوانیدا ڕایگەیاند: لەو كۆبوونەوەیەدا باسی چارەسەركردنی گرفتی مووچەی فەرمانبەرانی هەرێمی كوردستان كرا، مووچەی مانگی حەوتی فەرمانبەرانی هەرێمی كوردستان چارەسەر بووە و لەو ڕۆژانە دەدرێت و هەوڵ دەدەین  مووچەی مانگی هەشتیش لە داهاتوو بدرێت.

 

زانیاریی زیاتر: لەو كۆبوونەوەیەدا بڕیاردرا پەرلەمانتارانی سەرجەم فراكسیۆنە كوردییەكان و سەرجەم وەزیرەكان بەیەكەوە بۆ چارەسەركردنی پرسی مووچە كار بكەن و پەیوەندییان لەگەڵ وەزارەتی دارایی عێراق هەبێت و ڕوونكردنەوەكانی حكومەتی هەرێمی كوردستان لەبارەی پرسی مووچە بخەنە ڕوو. فوئاد حوسێن وای گوت.