لە بەغدا کاتژمێر یەکی شەو پشوو ڕاگەیێنرا

ئاڤا نیوز

ڕاگەیاندنی پشوو لە کاتژمێر یەکی شەو بەبۆنەی ساڵیادی کۆچی دوایی پەیامبەری ئیسلام لە بەغدا ڕەخنەی تووندی جەماوەری لێکەوتەوە.

 

چیرۆکی سەرەکی: کاتژمێر یەکی شەوی ڕابردوو پارێزگاری بەغدا ڕایگەیاند ئەمڕۆ  دووشەممە 2-9-2024 بەبۆنەی ساڵیادی کۆچی دوایی پەیامبەری ئیسلام لە سەرجەم دامودەزگاکانی حکومەتی خۆجێیی پشووی فەرمییە.

ڕاگەیێنراوی فەرمی: بە پشتبەستن بە دەنگی ئەنجوومەنی پارێزگای بەغدا، عەبدولموتەڵیب عەلەوی، پارێزگاری بەغدا ئەمڕۆ دووشەممەی کردە پشووی فەرمی، پشووەکە سەرجەم بەشەکانی سەر بە حکومەتی خۆجێیی لە بەغدا دەگرێتەوە.

کاریگەریی و لێکەوتەکان: ڕاگەیاندنی پشووەکە لە کاتژمێر یەکی شەو  بێ کاردانەوە نەبوو، هاووڵاتیانی پارێزگاکە لە تۆڕە کۆمەڵایەتییەکان سەرسوڕمانی خۆیان لەو بڕیارە پیشاندا، چونکە ڕاگەیاندنی پشووەکە لەکاتێکدابوو بەشی زۆری فەرمانبەران و ئەو هاووڵاتیانەی کاریان لە فەرمانگەکان هەبوو، خەوتبوون.

ئەوەی لەوبارەیەوە دەگوترێت: هاووڵاتیان و بەکارهێنەرانی تۆڕە کۆمەڵایەتییەکان پێیانوایە دەبوو بۆ بۆنەیەکی وای ئایینی کە ڕۆژەکە دیارە، زووتر بڕیاردرابا و ڕاگەیێنرابووایە.