ئۆرکێسترای سیمفۆنی سلێمانی کۆنسێرتێک ساز دەکات

ئاڤا نیوز

ئۆرکێسترای سیمفۆنی سلێمانی بە ڕابەرایەتی د.عەبدوڵڵا جەمال سەگرمە، کۆنسێرتێکی میوزیک بە ئامادەبوونی نزیکەی پەنجا میوزیکژەن لە شاری سلێمانی ساز دەکات.

لێدوانی فەرمی: بەشدار ئەحمەد، ژەنیاری ئامێری چەلۆ و یەکێک لە ئەندامانی ئۆرکێستراکە بە ئاڤا نیوزی گوت: "ماوەی زیاتر لە مانگێکە ڕاهێنان دەکەین، بەرهەمە ئامادەکانی کۆنسێرتەکە دانراوی جیهانی و کوردیشیان تێدایە".

زانیاریی زیاتر: ئەم گرووپە موزیکژەنە لە ساڵانی ڕابردوودا لە ژێر ناوی (ئۆرکێسترای سلێمانی) چالاکییان دەکرد، بەڵام لەم ساڵانەی دواییدا بە شێوازی سیمفۆنی کۆنسێرت  دەکەن و بەردەوامن، لە دوایین چالاکیشیاندا ڕۆژی پێنجشەممە 5ـ9-2024 لە هۆڵی تەلاری هونەر لە شاری سلێمانی کۆنسێرتێک ساز دەکەن.