ئەدێڵ لە گۆرانیگوتن دوور دەکەوێتەوە

ئاڤا نیوز

 

‎خانمە هونەرمەندی گۆرانیبێژی بەریتانی ئەدێڵ، بڕیاری داوە بۆ ماوەیەکی درێژ لە گۆرانیگوتن دووربکەوێتەوە. 

 

‎چیرۆکی سەرەکی: ئەدێڵ لە گرتە  ڤیدیۆیەکدا کە لە تۆری کۆمەڵایەتی  "تیک تۆک" بڵاویکردووەتەوە دەڵێت: " من 10 کۆنسێرتم ماوە پێشکەش یان بکەم، دوای ئەوە بۆ ماوەیەکی درێژ لە مۆسیقا دووردەکەومەوە بەڵام لە دڵی خۆمدا دەتانهێڵمەوە".  

 

زانیاریی بەدەستهاتوو: بە ئاماژەکردن بەوەی ئێستا پلانی هیچ گۆرانییەکی نوێی نییە ئەو بڕیارەیداوە.

 

ئەوەش بزانە: ئەدێڵ دوای چوار هەفتە دوای دەستپێکردنی زنجیرە کۆنسێرتەکەی لە شاری میونشن لە ئەڵمانیا کۆتایی بەکارەکانی هێنا.

 

‎ئەوەی پێویستە بیزانیت: ئەدێڵ کە براوەی چەندین خەڵاتی جیهانییە،  لە مندڵییەوە دەستی بە گۆرانیگوتن کردووە و یەکەم ئەلبوومی لە ساڵی 2008 بڵاوکردووەتەوە، بڵاوکردنەوەی دوایین ئەلبوومیشی لە ساڵی 2021 دا بوو.