بەڵگە هەیە و بکوژانی چوار گەنجی کورد لە کەرکووک دەستگیرناکرێن

 ئاڤا نیوز

سەرەڕای بوونی بەڵگە لەسەر شەهیدکردنی چوار گەنجی کورد لە کەرکووک، بەڵام بکوژانیان هێشتا دەستگیر نەکراون.

وێنە گەورەکە: ئەمڕۆ دووی ئەیلول ساڵێک بەسەر شەهیدکردنی چوارگەنجی کورد لە خۆپیشاندانەکانی کەرکووک تێپەڕ دەبێت، خۆپیشاندانەکە دژ بە خۆپیشاندان و خێمەهەڵدانی بەشێک لە عەرەبی هاوردە بوو، بەڵام بۆ بڵاوەپێکردنی خۆپیشاندەرانی کورد تەقەکرا و چوار گەنج شەهیدبوون.

زانیاریی بەدەستهاتوو: دوو لیژنە بۆ لێکۆڵینەوە لە شەهیدکردنی گەنجەکان پێکهێنراوە، دەیان بەڵگەخرانە ڕوو کە هێزە عێراقییەکان دەستیان لە شەهیدکردنی گەنجەکان هەبوو، چەندین سکاڵا تۆمارکران تاکو ئێستا هیچ ئەنجامێکی نەبووە.