گۆڕانکاری لە 51 کتێبی پرۆگرامی خوێندندا کراوە

ئاڤا نیوز  

بۆ ئەمساڵی خوێندن، گۆڕانکاری لە 51 کتێبی پرۆگرامەکانی خوێندن لە هەرێمی کوردستان کراوە.

وێنە گەورەکە: لە کابینەی نۆیەمی حکومەتی هەرێمی کوردستان لەسەر بنەمای زانستی و پەروەردەیی گۆڕانکاری لە 407 کتێبی پرۆگرامی خوێندن کراوە، سەرجەم کتێبە چاپکراوەکانیش کارە هونەری و کارگێڕییەکانی لەلایەن مامۆستایان و فەرمانبەرانی وەزارەتی پەروەردەی هەرێمی کوردستان کراون.

لێدوانی فەرمی: حەسەن سەرتیپ جاف، بەڕێوەبەری گشتیی پرۆگرامەكانی خوێندن بە ئاڤانیوزی ڕاگەیاند: هەموو ئەو کتێبانەی لە پرۆگرام گۆڕاون، بە هەردوو شێوەزاری سۆرانی و بادینی و زمانەکانی عەرەبی، ئینگلیزی، سریانی و تورکمانی چاپکراون.

گۆشەیەکی دیکە: حەسەن سەرتیپ جاف گوتی: 29 کتێب بە زمانی ئینگلیزی ئامادەکراون و چاپکراون بۆ پەیمانگای پیشەیی ئینگلیزی هەولێر بۆ ئەمساڵی خوێندن دەگەن بە دەستی مامۆستایان و قوتابیان.