دووکەڵی پیسی کارگەکان چاو کز دەکات

ئاڤا نیوز 

 

 

بوونی کارگەکان لە چواردەوری شارەکانی نیشتەجێبوون و دەردانی دووکەڵی پیس، کاریگەریی نەرێنی دەکاتە سەر ئاستی بینین و پزیشکێکیش دەڵێت، چاوەکان کز دەکات.

 

وێنە گەورەکە: چاو یەکێکە لەو ئەندامەی ڕاستەوخۆ بەرکەوتنی لەگەڵ ژینگەدا هەیە، کەشوهەوای گەرم و پیس هەروەها دووکەڵ، کاریگەری خراپیان لەسەری هەیە.

 

لێدوانی فەرمی: دکتۆر ئەبوبەکر زاهیر، پسپۆری نەخۆشییەکانی چاو بە ئاڤا نیوزی ڕاگەیاند، ئەو دووکەڵ و تەپ و تۆزانەی لە ئەنجامی کارگەکان دەکەونەوە، دەبنە هۆی کزبوونی مەودای بینین، سووربوونی چاو، هەستیاریی و خورانی چاو، بە گشتی خەڵک تا ماوەیەکی زۆر هەستی پێ ناکەن بەتایبەتی ئەوانەی کە وەک کارمەند لە کارگەکان کار دەکەن.

 

ژمارەکان وا دەڵێن: لە هەرێمی کوردستان دوو هەزار و 688 کارگە هەیە، بەشێک لە کارگەکان کاریگەریی نەرێنییان لەسەر ژینگەدا هەیە. 

 

ئەوەش بزانە: بەمەبەستی پاککردنەوەوەی ژینگەی هەولێر لە ماوەی ڕابردوودا، پارێزگای هەولێر  دەیان کارگە و پاڵاوگەی نایاسایی لە سنووری پارێزگاکە داخست.