نزیكەی 10%ـی دانیشتووانی عێراق لە خانووی زێدەڕۆدا دەژین

ئاڤا نیوز

 

لە کاتێکدا قەیرانی نیشتەجێبوون لە پارێزگاکانی ناوەڕاست و باشووری عێراق لە لوتکەدایە، شارەوانی بەسڕە دەیان خانووی زێدەڕۆ دەڕوخێنێت. 

 

وێنە گەورەکە:  لە دوای ساڵی 2003 ەوە دروستکردنی خانوو و زێدەڕۆکردنە سەر موڵکی گشتی، بەشێوەیەکی بەرفراوان لە دەوروبەر و ناو شارەکانی عێڕاق زیادی کردووە، ئێستا نزیكەی 10% ی دانیشتووانی عێراق لە خانووی زێدەڕۆدا دەژین.

 

لێدوانی فەرمی: فیراس خالق، بەڕێوبەری شارەوانی بەسڕە ڕایگەیاند: تیمەكانی شارەوانی له هه‌نگاوی یه‌كه‌مدا 150 خانووی زێدەڕۆییان لەناوچەی "كوت حجاج" لەشاری بەسڕە ڕووخاند، 25 خاوەن خانووی دیكەشیان  ئاگادارکردووەتەوە کە لە ماوەی 72 کاتژمێردا چۆڵی بکەن چونكە لەهەنگاوی دووەم دا دەڕوخێندرێن.

 

زانیاری زیاتر: فیراس خالق ئاماژەی بەوەش كرد، بەگوێرەی پلانی ئەنجوومەنی پارێزگای بەسڕە لە شوێنی ئەو خانووانە پارکێکی گەورەی خێزانی دروست دەكرێت.