بەتۆمەتی ناپاکی زانایەکی ڕووسی 15 ساڵ زیندانی دەکرێت

ئاڤا نیوز

 

دادگایەکی ڕووسیا ئەلێکساندەر شیپلیۆک، زانای دیاری بواری فیزیای، بە تۆمەتی ناپاکی بە 15 ساڵ بەندکردن سزا دا.

 

وێنە گەورەکە: لە ماوەی ڕابردوودا چەندین زانا و شارەزایانی بواری مووشەک کە خێراییان لە سەروو دەنگەوەیە بە تۆمەتی ناپاکی لە ڕووسیا دادگایی کراون.

 

زانیاریی بەدەستهاتوو: شیپلیۆک، 57 ساڵە و بەڕێوەبەری دامەزراوەی کریستیانۆڤیچ بووە، یەکێکە لە دامەزراوە زانستییە باڵاکانی ڕووسیا لە سیبیریا، لە ساڵی 2022 دەستگیر کراوە و ئەمڕۆ 3-9-2024 بڕیاری دادگای بۆ دەرچووە. 

 

باکگراوند: لەماوەی رابردوو هەر یەک لە ئاناتۆلی ماسلۆڤ و ڤالیری زوگینتسێڤ، هاوکارانی شیپلیۆک بە تۆمەتی ناپاکی دەستگیر کران. ماسلۆڤ، تەمەن 78 ساڵ لە مانگی ئایاری ڕابردوو بە 14 ساڵ زیندانی سزا درا.