کۆچی پێشوەختەی فلامینگۆکان بۆ تاڵاوی کانی بەرازان لە مەهاباد دەستیپێکردووە

ئاڤا نیوز

 

فلامینگۆکان تاوەکو کۆتایی مانگی 10 میوانی تاڵاوەکە دەبن، دوای ئەوە لەگەڵ دابەزینی پلەکانی گەرما کۆچ دەکەن بۆ ناوچەکانی باشوور.

 

چیرۆکی سەرەکی: بەپێی ئاژانسی هەواڵی ڕادیۆ و تەلەفزیۆنی ناوەندیی مەهاباد، تاڵاوی کانی بەرازان لە مەهاباد، کە یەکەمین شوێنی تەماشاکردنی باڵندەیە لە ئێران و ڕۆژهەڵاتی کوردستان، ئێستا میوانداری فلامینگۆی کۆچبەر دەکات.

 

لێدوانی فەرمی: فارووق سولەیمانی، بەرپرسی بەشی پاراستنی ژینگەی شاری مەهاباد ڕایگەیاندووە: ئەمساڵ بەهۆی بەرزیی پلەکانی گەرما، فلامینگۆکان زووتر لە ساڵانی ڕابردوو کۆچیان بۆ تاڵاوی کانی بەرازان کردووە.

 

ئەوەی پێویستە بیزانیت: بوونی خۆراکی باش و کەشوهەوای گونجاو و پارێزراویی گیانلەبەرە کێوییەکانی تاڵاوی بەرازان لەو هۆکارانەن، کە باڵندە کۆچبەرەکان ئەم شوێنە بۆ کۆچکردن و زاوزێکردن هەڵدەبژێرن. بەگشتی 30 هەزار جۆری باڵندە لەم تاڵاوەدا دەژین.