لە چوار ڕۆژدا 17 هاووڵاتی کورد لە ڕۆژهەڵاتی کوردستان دەستگیر کراون

ئاڤا نیوز

لە ماوەی چوار ڕۆژی ڕابردوودا هێزە ئەمنییەکانی ئێران 17 هاووڵاتی کوردیان لە ڕۆژهەڵاتی کوردستان دەستگیرکردووە.

وێنە گەورەکە: زیادبوونی دەستگیرکردن و لەسێدارەدان لە ئێران بووەتە جێگەی ناڕازایەتی ڕێکخراوەکانی مافی مرۆڤ، داوا دەکرێت ئەو بەرتەسککردنەوەی ئازادییەکان کۆتایی پێبهێنرێت و  دەسەڵاتدارن بەپێی یاساکانی مافی مرۆڤ مامەڵە بکەن.

ڕاپۆرتی فەرمی: ڕێکخراوی هەنگاو بۆ مافەکانی مرۆڤ بڵاویکردەوە، لە سەرەتای ئەم مانگەوە تاوەکو ئێستا 17 هاووڵاتی کورد لە شارە جیاوازەکانی ڕۆژهەڵاتی کوردستان لەلایەن هێزە ئەمنییەکانی ئێرانەوە دەستگیرکراون، یەکێک لە دەستگیرکراوەکان نەوجوانێکی تەمەن 16 ساڵە و سەرجەمیان بۆ شوێنێکی نادیار گواستراونەتەوە.

زانیاریی زیاتر: 10 لە دەستگیرکراوەکان خەڵکی شارۆچکەی بڵواناوای سەر بە شاری دێوڵان، چوار هاووڵاتی لە مەهاباد و سێ هاووڵاتیش لە شنۆ دەستگیرکراون، تەمەنیان لەنێوان 16 بۆ 52 ساڵیدایە.

باکگراوند: جگە لە دەستگیرکردن، تا دێت ژمارەی لەسێدارەدانیش لە ئێران زیاتر دەبێت و بەپێی ئامارەکان تەنیا لە مانگی ڕابردوودا 94 کەس لەو وڵاتە لەسێدارە دراون.