پووتین بۆ سەرۆكایەتی ئەمریكا بایدن لە ترەمپ بە باشتر دەزانێت

ئاڤا نیوز

ڤلاديمیر پووتین، سەرۆكی ڕووسیا لە چاوپێكەوتنێكدا لەگەڵ ڕۆژنامەنووس پاڤێل ئەلێكساندرۆڤیچ زاروبین، نەیشاردەوە لەپێناو بەرژەوەندییەكانی ڕووسیا، سەرۆكایەتی جۆ بایدن بۆ ڕووسیا باشترە لە سەرۆكایەتیی دۆناڵد ترەمپ.

لێدوانی فەرمی: لە وەڵامی پرسیاری پاڤێل ئەلێكساندرۆڤیچ، سەبارەت بە هەڵبژاردنی سەرۆكایەتی ئەمریكا كە لە داهاتوودا ئەنجام دەدرێت، پووتین گوتی: جۆ بایدن باشتر دەبێت بۆ ڕووسیا بەراورد بە ترەمپ، چونكە كەسێكی بە ئەزموونتر و لە بەرژەوەندیی نێوان ڕووسیا و ئەمریكا تێدەگات، بایدن جموجوڵەکانی چاوەڕوانکراویشە.

لە درێژەی دیمانەكەدا پووتین ئەوەشی پشتڕاستكردەوە " پەشیمانە لەوەی زووتر دەستی بە چالاكییەكانی لە ئۆكراینا نەكردووە و گوتی  "پێویستە چالاكییەكان چڕتر بكەینەوە".

 

ئەوەی پێویستە بیزانیت: ئەوكاتەی دۆناڵد ترەمپ سەرۆكی ئەمریكا بوو، بەشێك لە میدیای ئەمریكا پووتینیان بەوە تۆمەتبار دەكرد كە لە بەرژەوەندی ترەمپ كاریكردووە تا ببێت بە سەرۆكی ئەمریكا.