لە هەولێر بەتۆمەتی سپیکردنەوەی 35 ملیار دینار کەسێک دەستگیر دەکرێت

ئاڤا نیوز 

 

دوای هەڵاتنی لە بەغدا، ئاسایشی هەولێر تۆمەتبارێک دەستگیر دەکات کە هەوڵی سپیکردنەوەی 35 ملیار دیناری عێراقی داوە. 

 

ڕاگەیێنراوی فەرمی: ئاسایشی هەولێر دەڵێت، تۆمەتبار (ع ، س، ع) لەشاری بەغدا بەتۆمەتی سپی کردنەوەی بڕی 35 ملیار دیناری عێراقی و ساختەکردنی چەکی بانکی، هەروەها چەند فەرمانێکی گرتنی هەبووە لە شاری بەغدا، لەکاتی بردنی بۆ دادگا لەگەڵ ئەفسەرێکی پۆلیس هەماهەنگی کردووە و بەرلەوەی بگاتە دادگا هەڵاتوە.

 

زانیاریی زیاتر: تۆمەتبارەکە دوای هەڵاتن خۆی گەیاندووەتە شاری هەولێر، دوای ماوەیەکی کەم و بەڕێگای پەیوەندییەکانی وەزارەتی ناوخۆی حکومەتی هەرێمی کوردستان، ئاسایش شوێنی تۆمەتبارەکە ئاشکرا کردووە و بە فەرمانی دادوەر دەستگیر کراوە، ئاسایشی هەولێر وای گوت. 

 

ئەوەش بزانە: تۆمەتبارەکە هەوڵیداوە لە ڕێگەی پۆشینی جلوبەرگی ئافرەتانەوە بچێتە دەرەوەی هەولێر.