زمانی نەوەی دووەمی ڕەوەندی کوردی لەبەردەم  لەناوچووندایە

ئاڤا نیوز

 

مانەوەی شوناسی هەر نەتەوەیەک پەیوەستە بە پاراستنی زمانی دایکەوە، ڕەوەندی کوردی لەبارەی زمانەوە کۆڕێک لە کەنەدا ساز دەکات.

 

وێنە گەورەکە: ئەمڕۆ شەممە کتێبخانەی خانی لە ڤانکۆڤەری کەنەدا بابەتێک لەژێر ناونیشانی "کورد لە زمانەکەیدا زیندووە" پێشکەش دەکات.

 

لێدوانی فەرمی: ڕەسوڵ سوڵتانی، نووسەر و وەرگێڕ لەسەر کۆڕەکە بە ئاڤا نیوزی ڕاگەیاند: لەسەر گرنگیی زمان بە گشتی و زمانی کوردی بە تایبەت، هاوکات داگیرکارانی کوردستان چۆن هەستییان بەو گرنگییەی زمانی کوردی کردووە و هەوڵیان داوە کورد لە ڕێگەی زمانەکەیەوە بتاوێننەوە".

 

لەلایەکی دیکەوە: لەبارەی قسەنەکرن بە زمانی کوردی لە نێو ڕەوەندی کوردیدا، ڕەسووڵ سوڵتانی گوتی: زمانی نەوەی دووەمی ڕەوەندی کوردی لەبەردەم توانەوە و لەناوچووندایە، ئەگەر ڕێگە بدەین منداڵەکانمان زمانی کوردییان بیر بچێتەوە، ئەوا خیانەتمان لەو ملیۆنان کەسە کردووە کە لە پێناوی کورد و زمانەکەیدا خەباتییان کردووە.

 

باکگراوند: ڕەسوڵ سوڵتانی ساڵی 1976 لە گوندی حاجیلەکی سەر بە بۆکان لە دایکبووە و ئیستا لە کەنەدا دەژیت، زیاتر لە 50 کتێبی سیاسیی و ئەدەبی و فەلسەفی وەرگێڕاوە.