کەشتی ئاسمانی ستارلاینەر بەبێ کەشتیوان گەڕایەوە سەر زەوی

ئاڤا نیوز

 

کەشتیی ئاسمانیی ستارلاینەر لە بنکەی بۆشایی ئاسمانیی وایت ساندز لە نیو مەکسیکۆ لە باشووری ڕۆژئاوای ئەمریکا نیشتەوە.

 

چیرۆکی سەرەکی: کەشتییە ئاسمانییەکە لەلایەن کۆمپانیای بۆینگەوە دروستکراوە، بە سەرکەوتوویی گەڕایەوە سەر زەوی، بەڵام بەبێ ئەو دوو کەشتیوانە ئاسمانییەی، کە پێشتر گواستبوونیەوە بۆ وێستگەی ئاسمانیی نێودەوڵەتی بەهۆی مەترسییە زۆرەکانی ئەم ئەرکە.

 

ئەوەی پێویستە بیزانیت: ئەو دوو کەشتیوانە ئاسمانییە سەرەتا بڕیاربوو گەشتەکەیان بۆ ماوەی هەشت ڕۆژ بەردەوام بێت، بەڵام  تا مانگی شوباتی داهاتوو ناگەڕێنەوە سەر زەوی، واتە مانەوەیان لە وێستگەی بۆشایی ئاسمانیی نێودەوڵەتی هەشت مانگ دەخایەنێت.

 

زانیاریی زیاتر : 10 ساڵ پێش ئێستا ئاژانسی ناسا داوای لە کۆمپانیای بۆینگ کرد کەشتیی ئاسمانیی ستارلاینەر دروست بکات، هاوکات بوو لەگەڵ داواکارییەکەی بۆ دروستکردنی کەشتیێکی دیکە لە کۆمپانیای سپەیس ئێکس، کە ئیلۆن ماسکی ملیاردێر خاوەندارێتی دەکات، ئەم کۆمپانیایە بەشێوەیەکی زۆر باشتر لە کۆمپانیای بۆینگ ماوەی چوار ساڵە بە تەنیا کەشتیوانان بۆ ناسا دەگوازێتەوە.