شاندێکی هەرێمی کوردستان سەردانی فەرەنسا دەکات

ئاڤا نیوز

 

شاندێکی هەرێمی کوردستان بە یاوەری وەبەرهێنەرانی کوردستان سەردانی فەرەنسا دەکەن و لەگەڵ حکومەتی ئەو وڵاتە کۆدەبنەوە.

 

بۆچی گرنگە: ئەم هەنگاوە دەبێتە هۆی بووژاندنەوەی ژێرخانی ئابووری و وەبەرهێنانی زیاتر لە هەرێمی کوردستان و بەهێزکردنی پەیوەندییە بازرگانییەکانی نێوان هەردوولا.

 

لێدوانی فەرمی: بەرگەشت ئاکرەیی، گوتەبێژی دەستەی وەبەرهێنان بە ئاڤا نیوزی گوت: شاندەکە لە سەرۆکی دەستەی وەبەرهێنان، وەزیری شارەوانی و گەشتوگوزار، وەزیری کشتوکاڵ  و بەرپرسی فەرمانگەی پەیوەندییەکانی دەرەوە لەگەڵ 60 وەبەرهێنەری کورد لە بوارە جیاوازەکان پێکهاتووە، لەگەڵ حکومەتی فەرەنسا و وەبەرهێنەرانی ئەو وڵاتە کۆدەبنەوە.

 

زانیاریی تایبەت: ئامانج لە سەردانی شاندەکە واژۆکردنی لێکتێگەیشتنە بۆ ئاڵوگۆڕی بازرگانی نێوان هەرێمی کوردستان و فەرەنسا، هاوکات هێنانی وەبەرهێنەرانی فەرەنسی بۆ هەرێمی کوردستان.

 

ئەوەی پێویستە بیزانیت: بڕیارە ڕۆژی 22-09-2024 شاندەکە بگاتە فەرەنسا و ڕۆژی دواتر دەست بە کۆبوونەوەکانیان دەکەن.