ئیلۆن مەسک دەبێتە یەکەم تریلیۆنێر لە مێژوودا

ئاڤا نیوز

 

بەگوێرەی ڕاپۆرتێکی کۆمپانیایەکی شیکاریی، ڕەنگە سەروەت و سامانی بازرگانی دیاری ئەمریکی ئیلۆن مەسک تا ساڵی 2027 تریلیۆنێک دۆلار تێپەڕێنێت.

 

بڵاوکراوەی فەرمی: بەپێی شیکاری کۆمپانیای (Informa Connect Academy) سامانی ساڵانەی ئیلۆن مەسک لە ساڵانی ڕابردوودا بە تێکڕا ساڵانە 110٪ زیادی کردووە. کۆمپانیاکە ئاماژە بۆ ئەوە دەکات، بەلایەنی کەمەوە تائێستا هیچ کەسێک لە جیهاندا نازناوی تریلیۆنێری پێ نەدراوە، لەگەڵ ئەوەشدا زۆر بەربژێری شاراوە هەن بۆ ئەم نازناوە.

 

زانیاریی زیاتر: کۆمپانیاکە ئاماژەی بە ناوی چەند کەسایەتیەک داوە کە بەربژێرن بۆ ئەوەی ببن بە تریلیۆنێر، لەوانە: دامەزرێنەری کۆمەڵەی بازرگانیی گواتام ئادانی لە هیندستان، جێنسن هوانگ، بەڕێوەبەری جێبەجێکاری کۆمپانیای تەکنەلۆژیای Nvidia، پرایوگو پانگیستو، دامەزرێنەری گرووپی پاریتۆ پاسیفیک لە ئیندۆنیزیا و بێرنارد ئارنۆلت، سەرۆکی LVMN و خێزانەکەی.

 

ئەمەش بزانە: ئیلۆن مەسک، خاوەنی کۆمپانیای تێسلا و تۆڕی کۆمەلایەتی ئێکسە[ پێشتر بە تویتەر ناسرا بوو]، ئێستا سامانەکەی بە 241 ملیار دۆلار دەخەمڵێنرێت.