ئامرازە کۆنەکانی هەواڵ لە عێراق باوی نامێنێت

ئاڤا نیوز

 

بەگوێرەی ڕاپرسیەکی نوێ دەرکەوتووە هاووڵاتییانی عێراقی کەمترین بەدواداچوونی هەواڵیان هەیە لە ڕێگەی ڕادیۆ و تەلەفزیۆن.

 

وێنە گەورەکە:لەبارەی ئەو سەرچاوانەی هاووڵاتیان لە هەواڵی ڕۆژانە پشتیان پێدەبەستن، کۆمەڵەی سەربەخۆی توێژینەوەکان لە عێراق، ڕاپرسییەکی ئەنجامداوە و سێ هەزار هاووڵاتی لە چەندین پارێزگا بەشداریان تێداکردووە، بەپێی ئەنجامی ڕاپرسییەکە تەنیا سێ لەسەر یەکی هاووڵاتیان سەیری تەلەفزیۆن دەکەن.

 

ڕاگەیێنراوی فەرمی: مونقیز داغەر، سەرۆکی کۆمەڵەی سەربەخۆی توێژینەوەکان لە عێراق ڕایگەیاند: 76٪ هاووڵاتیان لە ڕێگەی مۆبایلەوە سەیری هەواڵەکان دەکەن، 20٪ لە ڕیگەی لاپتۆپ و کەمتر لە 5٪یش ڕۆژنامەکان دەخوێننەوە، هەروەها 6٪ هاووڵاتیان گوێ لە ڕادیۆ دەگرن بۆ وەرگرتنی هەواڵی ڕۆژانە.

ئەوەی پێویستە بیزانیت: بەشداربووانی ڕاپرسییەکە زیاتر لە هەڵبژاردەیەکیان لە بەردەستدابووە، هەر بۆیە ڕێژەی سەدیی ڕاپرسییەکە لە 100٪ تێپەڕیوە.