بکوژی شاجوانی سویسرا داوای ئازادی دەکات

ئاڤا نیوز

کوژرانی شاجوانی پێشووی سویسرا لەلایەن هاوژینەکەیەوە جارێکی دیکە دەبێتە مانشێتی میدیاکان، هاوژینەکەی وێڕای ئەوەی دانی بە تاوانەکەیدا ناوە، بەڵام داوا دەکات ئازاد بکرێت.

چیرۆکی سەرەکی: مانگی دووی ئەمساڵ کریستینا جۆکسیمۆڤیچی، شاجوانی پێشووی سویسرا لە تەمەنی 38 ساڵی لەکاتێکدا  خاوەنی دوو منداڵ بوو، لەلایەن هاوژینەکەیەوە بە ناوی تۆماس کوژرا.

زانیاریی زیاتر: تۆماس لە دادگا دانی بەوەدا ناوە کریستینا جۆکسیمۆڤیچی کوشتووە،  بەڵام دەڵێت، تەنیا بەرگری لەخۆی کردووە، دوای ئەوەی کریستینا بە چەقۆ هێرشی کردووەتە سەر، بۆیە داوا دەکات ئازاد بکرێت.

زانیاری بەدەستهاتوو: بەرپرسانی سویسرا ڕایانگەیاند: کریستینا لەلایەن هاوژینەکەیەوە خنکێنراوە و بەشێوەیەکی دڕندانە ئەندامەکانی لەشی پارچەپارچە کراون.