حكومەتی هەرێمی كوردستان نووسراوێك لەبارەی كۆڕەك تیلیکۆم ئاڕاستەی عێراق دەكات

ئاڤا نیوز

حكومەتی هەرێمی كوردستان نوسراوێكی فەرمی ئاراستەی سەرۆكایەتی ئەنجومەنی وەزیرانی عێراق دەكات، سەبارەت بە سكاڵای هاووڵاتییان دەربارەی ئەو زیانەی بەهۆی پچڕانی پەیوەندی كۆڕەك تیلیكۆم و چەند كۆمپانیایەكی دیكەی پەیوەندی پێیان گەیشتووە.

‎ڕاگەیێنراوی فەرمی: بەڕێوەبەرایەتی ڕاگەیاندنی وەزارەتی گواستنەوە و گەیاندن، ڕاگەیێنراوێكی بڵاوكردەوە و دەڵێت:" حكومەتی هەرێمی كوردستان نوسراوێكی فەرمی ئاراستەی سەرۆكایەتی ئەنجومەنی وەزیرانی عیراقی فیدڕاڵ دەكات سەبارەت بە سكاڵای هاوڵاتیان دەربارەی ئەو زیانەی پێیان گەیشتووە لە بڕیاری پچڕاندنی هێڵی پەیوەندی لەنێوان كۆمپانیای كۆڕەك تیلیكۆم و كۆمپانیاكانی(زەین عێراق -ئاسیا سێڵ ) كە لەسەر ئاستی نێوخۆیی و نێودەوڵەتی وەستێنراوە".

"وەزارەتی گواستنەوە و گەیاندنی حكومەتی هەرێمی كوردستان ئەم بڕیارەی دەستەی ڕاگەیاندن و گەیاندنی عیراق بە نادادپەروەرانە لە قەڵەم دەدات ،  داوادەكات كەوا پەیوەندیەكان بگەڕێندرێنەوە باری ئاسایی خۆیان تاكو ئەم كێشەیە چارەسەر دەكرێت لە چوارچێوەی گفتوگۆ بەپێی یاسا و بڕیاری كۆتایی دادگەكان لە پێناو بەرژەوەندی گشتی هاوڵاتیانی هەرێمی كوردستان و عیراق كە ژمارەی هاوبەشەكان بە ملیۆنەها بەشدرابوو دەخەمڵێندرێت" .

‎باكگراوند: وەزارەتی پەیوەندییەكانی عێراق 22ی تشرینی یەكەمی 2023، لەدژی كۆمپانیای كۆڕەك چەند بڕیارێكی دەركرد، بەپێی یەكێك لەبڕیارەكان فرۆشتنی كارتی باڵانس و سیمكارتی ئەو كۆمپانیایە ڕێگەی پێنادرێت، كۆڕەك تیلیكۆمیش بڕیارەكەی بە نادادپەروەری وەسف كرد و دەڵێت رێگای یاسایی دەگرنەبەر.