هەفتەی داهاتوو بارانبارین لە عێراق و هەرێمی کوردستان دەستپێدەکات

ئاڤا نیوز

بەپێی دەستەی کەشناسیی عێراق پلەکانی گەرما لە دابەزیندایە و لە سەرەتای هەفتەی داهاتوودا بارانبارین لە چەند ناوچەیەکی جیاواز دەستپێدەکات، لەوانەش هەرێمی کوردستان.

وێنە گەورەکە: دوای تەواوبوونی وەرزی هاوین کە عێراق بەدرێژایی وەرزەکە بەرزترین پلەی گەرمای لە جیهاندا تۆمار دەکرد، لە سەرەتای مانگی نۆ پلەکانی گەرما دابەزیون و پێشبینی دەکرێت لە هەفتەی داهاتووەوە لە چەند ناوچەیەک باران ببارێت.

ڕاگەیێنراوی فەرمی: دەستەی کەشناسیی عێراق ئەمڕۆ پێنج شەممە 12-9- 2024 ڕایگەیاند، سبەی هەینی پلەکانی گەرما لە ناوەڕاست و باشووری عێراق دادەبەزن، لە هەرێمی کوردستانیش وەکو ڕۆژی پێشتر دەبێت. لە ڕۆژی شەممەوە کەشوهەوا ساماڵ دەبێت لەگەڵ هەندێک هەور و نیمچە هەور لە ناوچەکانی هەرێمی کوردستان، لەگەڵ بارانبارینی پەرشوبڵاو. 

زانیاریی زیاتر: ڕۆژانی یەکشەممە و دووشەممە کەشوهەوا ساماڵ دەبێت لەگەڵ هەندێک هەور و پلەکانی گەرماش لە شارەکانی ناوەڕاست و باشوور وەکو ڕۆژانی پێشتر دەبێت، بەڵام لە هەرێمی کوردستان زیاتر دادەبەزن.