سایلۆی هەڵەبجە بە گوژمەی 27 ملیار دینار دروست دەکرێت

ئاڤا نیوز

 

حکومەتی هەرێمی کوردستان لە پارێزگای هەڵەبجە سایلۆ بۆ عەمبارکردنی گەنمی جوتیارانی دەڤەرەکە بە گوژمەی 27 ملیار دینار دروست دەکات. 

 

بۆچی گرنگە: لە چوارچێوەی گرنگیدانی کابینەی نۆیەم بە کەرتی کشتوکاڵ لە پارێزگای هەڵەبجە سایلۆیەک دروست دەکرێت کە توانای عەمبارکردنی 40 هەزار تۆن گەنمی دەبێت.

 

لێدوانی فەرمی: ستار مەحموود، بەڕێوەبەری گشتیی کشتوکاڵی هەڵەبجە ڕایگەیاند: “سایلۆکە توانای هەڵگرتنی 40 هەزار تۆن گەنمی دەبێت، لەگەڵ 10 کۆگا بۆ هەڵگرتنی دانەوێڵەکان".

 

لەلایەکی دیکەوە: خەسرەو محەممەد، جوتیارێکی پارێزگای هەڵەبجەیە و دەڵێت: دڵخۆشین جارێکی دیکە گەنمەکانمان لەوێدا هەڵدەگیرێن، دەپارێزرێن و بەبازاڕ دەکرێن".

 

ئەوەی پێویستە بیزانیت: سایلۆکە لەسەر ڕووبەری 52 دۆنم زەوی دروست دەکرێت؛ تێچووی دروستکردنی 27 ملیار و 500 ملیۆن دینارە؛ ماوەی جێبەجێکردنی دوو ساڵە، بۆ ماوەی سێ مانگە دەست بە دروستکردنی کراوە.