زیاتر لە 50 کۆمپانیا لەڕێگەی ئێرانەوە کاڵایان هەناردە کردووە

ئاڤا نیوز

 

لە هەشت مانگی ئەمساڵدا 56 کۆمپانیا مۆڵەتیان وەرگرتووە تاوەکو لە ڕێگەی ئێرانەوە کاڵا هەناردەی دەرەوە بکەن.

 

وێنە گەورەکە: ئەمساڵ 120 کۆمپانیا مۆڵەتیان وەرگرتووە تاوەکو کاڵا هەناردەی دەرەوەی وڵات بکەن، لەو ژمارەیە 56 کۆمپانیا مۆڵەتیان بۆ هەناردەکردنی کاڵا بووە لە ڕێگەی دەروازە سنوورییەکانی:- باشماخ، پەروێزخان و حاجی ئۆمەران.

لێدوانی فەرمی: نەوزاد شێخ کامیل، بەڕێوەبەری گشتی بازرگانی هەرێمی کوردستان، بە ئاڤا نیوزی ڕاگەیاند: ئەمساڵ 880 کۆمپانیا مۆڵەتیان وەرگرتووە بۆ هاوردەکردنی کاڵا لە وڵاتی ئێرانەوە، 56 کۆمپانیاش مۆڵەتیان وەرگرتووە بۆ هەناردەکردنی کاڵا بۆ دەرەوەی وڵات لە ڕێگەی ئێرانەوە.