ئەمریکا 1.3 ملیار دۆلار هاوکاریی سەربازیی میسر دەکات

ئاڤا نیوز

 

وەزارەتی دەرەوەی ئەمریکا 1.3 ملیار دۆلار هاوکاریی سەربازیی بێمەرج دەداتە میسر.

 

وێنە گەورەکە: ئەم هاوکارییە سەربازییەی ئەمریکا لە کاتێکدایە کە لە ماوەی ڕابردوودا ئەمریکا و میسر لە دانوستانەکانی غەززەدا وەک دوو نێوەندگیر لە نزیکەوە و بە هاوبەشی کاریان کردووە. ئامانج لە پارەدارکردنی میسر لەلایەن ئەمریکاوە پەیوەندی بەو هەوڵانەی قاهیرەوە هەیە کە لە ئاشتی هەرێمیدا دەیگڕێت.

 

زانیاریی زیاتر: ساڵی ڕابردووش ئەمریکا هاوکاریی سەربازیی پێشکەش بە میسر کرد، بەڵام بە مەرجی ئەوەی میسر لە بواری ڕێزگرتن لە مافی مرۆڤدا هەنگاوی گرنگ بنێت. ئەمساڵ وەزارەتی دەرەوەی ئەمریکا ڕایگەیاند، لە هەندێک بواری ڕێزگرتن لە مافی مرۆڤدا بەرەوپێشچوون لەو وڵاتە بەدەستهاتووە. 

 

ئەوەی پێویستە بیزانیت: میسر، لە سەردەمی عەبدولفەتاح سیسیدا، بە پێشێلکردنی مافەکانی مرۆڤ و سەرکوتکردنی نەیارانی لە ناوخۆی وڵات تۆمەتبار کراوە.