گۆڕانکاری لە دەرهێنانی مۆڵەتی شۆفێری دەکرێت

ئاڤا نیوز 

 

هاتووچۆی سلێمانی ڕێنمایەکی نوێ دەربارەی دەرهێنانی مۆڵەتی شۆفێری بڵاودەکاتەوە و هاووڵاتییان ئاگادار دەکاتەوە.

 

ڕاگەیێنراوی فەرمی: هاتووچۆی سلێمانی لە ڕاگەێنراوێکدا هاووڵاتیان ئاگادار دەکاتەوە، چیتر بۆ ڕایکردنی مامەڵەی بەشی مۆڵەتی شۆفێری پێویست ناکات پێشتر لە ماڵپەڕی هاتووچۆی سلێمانی کۆد وەربگرن، دەتوانن ڕاستەوخۆ و هەمان ڕۆژ سەردانیان بکەن بۆ ڕایکردنی مامەڵەکانیان.

 

زانیاریی زیاتر: بەڕێوەبەرایەتیی هاتووچۆی سلێمانی ئاماژەی بەوەش داوە: بڕیارەکە لە ڕۆژی دووشەممەوە کاری پێدەکرێت و دەبێتە کارئاسانی بۆ هاووڵاتیان و سەردانیکاران.

 

ئەوەی پێویستە بیزانیت:  هاتووچۆی سلێمانی داوا لە هاووڵاتیان دەکات بەرلەوەی بچنە ناو بەڕێوەبەرایەتییەوە  پێویستە ئەم پێداویستیانەیان لا بێت: فۆڕمی تایبەتی مامەڵەی بەشی مۆڵەتی شۆفێرییان پڕکردبێتەوە، سەرجەم بەڵگەنامەکانیان ڕەسەن بێت:- کارتی نیشتمانی، کارتی زانیاری.