دانا ئەحمەد مەجید نایەوێت گۆڕان بەشداریی هەڵبژاردن بکات

ئاڤا نیوز

 

بزووتنەوەی گۆڕان سەرقاڵی دیاریکردنی ڕێکخەری گشتییە و دیارترین بەربژێریش بۆ پۆستەکە داوا دەکات، بەشداریی لە هەڵبژاردنی پەرلەمانی کوردستان نەکەن.

زانیاریی بەدەستهاتوو: سەرچاوەیەکی ئاگادار لەناو بزووتنەوەی گۆڕان بە ئاڤا نیوزی ڕاگەیاند، دانا ئەحمەد مەجید، دیارترین بەربژێری بزووتنەوەکە، بەمەرجی بەشدارینەکردن لە هەڵبژاردن ئامادەیە ببێتە ڕێکخەری گشتیی و بۆ ئەو پرسەش کوڕانی نەوشیروان مستەفا هەمان بۆچوونیان هەیە.

 

ئەمەش بزانە: بەشێک لە سەرکردە دیارەکانی نێو بزووتنەوەکە هەمان بۆچوونیان هەیە، بەڵام بەشێکی دیکەی سەرکردەکانیان ڕای جیاوازیان هەیە و دەڵێن: ئێستا لە حکومەت بمێنینەوە، بەڵام بەشداریی لە هەڵبژاردنی پەرلەمان نەکەین.

 

باکگراوند: لە ناوەڕاستی ساڵی 2009 نەوشیروان مستەفا لەگەڵ ژمارەیەک سەرکردەی جیابۆوە لە یەکێتیی نیشتمانیی کوردستان بە لیستێکی نوێوە بەناوی 'گۆڕان'، بەشدارییان لە ھەڵبژاردنی پەرلەمانی کوردستان کرد.