سەرۆکی ئێران دەچێتە ڕووسیا

ئاڤا نیوز

 

بەمەبەستی بەشداریکردن لە کۆبوونەوەی لووتکەی بریکس کە لە ڕووسیا بەڕێوەدەچێت، مەسعود پزیشکیان، سەرۆککۆماری ئێران سەردانی مۆسکۆ دەکات. 

 

وێنە گەورەکە: لە ڕۆژی 22 بۆ 24ی ئۆکتۆبەری 2024، کۆبوونەوەی لووتکەی بریکس بکرێت، لوتکەکە جەخت لەسەر پێشخستنی تەواوی هاوبەشی و هاوکاری لە چوارچێوەی هاوپەیمانییەکەدا دەکات. 

 

ڕاگەیێنراوی فەرمی: کازم جەلالی، باڵیۆزی ئێران لە مۆسکۆ ڕایگەیاند: سەرۆککۆماری ئێران بۆ بەشداریکردن لە لووتکەی بریکس کە بڕیارە لە شاری کازانی ڕووسیا بەڕێوەبچێت سەردانی ئەو وڵاتە دەکات. 

 

ئەوەش بزانە: ڤلادیمێر پووتین، سەرۆکی ڕووسیا لە کۆبوونەوەیەکیدا لەگەڵ سکرتێری ئەنجوومەنی باڵای ئاسایشی نەتەوەیی ئێران ئاماژەی بە لووتکەی داهاتووی بریکس کردبوو و ڕایگەیاند "بۆ ئیمزاکردنی ڕێککەوتنی هاوبەشی ستراتیژیی نوێ و درێژخایەنی هەماهەنگی گشتگیر لەنێوان هەردوو وڵات، ڕووسیا لە لووتکەی بریکس چاوەڕێی سەرۆکی نوێی ئێران دەکات".