لە پارێزگای هەڵەبجە ژمارەیەک پڕۆژە دەکەونە بواری جێبەجێکردنەوە

ئاڤا نیوز 

 

لە پارێزگای هەڵەبجە ژمارەیەک پڕۆژە کە حکومەتی هەرێمی کوردستان ڕەزامەندی لەسەر دراوە و دەکەونە بواری جێبەجێکردن.

 

ڕاگەیێنراوی فەرمی: ئازاد تۆفیق، پارێزگاری هەڵەبجە ڕایدەگەیەنێت: بە نووسراوی فەرمی پارێزگا کە ئاراستەی سەرۆکایەتی حکومەتی هەرێمی کوردستان کراوە، ڕەزامەندی دراوە لەسەر چەند پڕۆژەیەکی گرنگ لە هەڵەبجە جێبەجێ بکرێت. 

 

‎زانیاریی زیاتر: پڕۆژەکان بریتین لە:- دروستکردنی باڵەخانەی بەڕەێوبەرایەتیی پۆلیسی پارێزگای هەڵەبجە و دروستکردنی باڵەخانەی بەڕێوبەرایەتیی گشتیی کشتوکاڵی هەڵەبجە.

 

قوڵتر: کابینەی نۆیەمی حکومەتی هەرێمی کوردستان، 114 ملیۆن و 760 هەزار و 750 دیناری بۆ کۆنتڕۆڵکردنی پەتای کۆلێرا و نۆژەنکردنەوەی شەقامی بەردەم نەخۆشخانەی گشتیی هەڵەبجە، پڕۆژەی گەشتیاریی لە سنووری پارێزگای هەڵەبجە تەرخانکردووە.

 

ئەوەی پێویستە بیزانیت: بەشێکی ئەو پارەیەی بۆ پارێزگای هەڵەبجە دابینکراوە، بۆ زیادکردنی پێشینەی نەختینەی پارێزگاکەیە تاوەکو لە حاڵەتە فریاگوزارییەکاندا بەکاری بهێنن.