بەردی بناغەی 15 پرۆژە لە سنووری هەولێر دادەنرێت

ئاڤا نیوز

 

بڕیارە ئەمڕۆ کاتژمێر 11:00 سەرۆکوەزیران مەسرور بارزانی، بەردی بناغەی ژمارەیەک قوتابخانە و باخچەی ساوایان لە سنووری پەروەردەی هەولێر دادەنێت.

 

لێدوانی فەرمی: سامان سیوەیلی، گوتەبێژی وەزارەتی پەروەردەی حکومەتی هەرێمی کوردستان بە ئاڤا نیوزی ڕاگەیاند: "لە چوارچێوەی هەنگاوەکانی کابینەی نۆیەمی حکومەتی هەرێمی کوردستان، بەردی بناغەی 15 باخچەی ساوایان و قوتابخانە بە دیزاینی نوێ لە سنووری پەروەردەی هەولێر دادەنرێن کە یەکێکیان بەر قەزای خەبات دەکەوێت."

 

زانیاریی زیاتر: لە کابینەی نۆیەم هەزار و 600 و 70 قوتابخانە و دایەنگە نۆژەنکراونەتەوە، هاوکات 629 ژووری پێویست بۆ قوتابخانەکان دروستکراون.

 

لەلایەکی دیکەوە: حکومەتی هەرێمی کوردستان لە ماوەی پێنج ساڵی ڕابردوو 194 باڵەخانەی نوێ لە سنوورە جیاوازەکان دروستکردووە، لە کاتێکدا چەندین پرۆژەی دیکە کاریان تێدا دەکرێت و لە داهاتوو دەخرێنە خزمەتی پەروەردەوە".